Үбэр Байгалай хизаараар буряад соёл хүгжөөлгын түбэй дэргэдэ «Үльгэрнүүд, домогууд, магтаалнууд» гэһэн суглуулбари хэблэгдэжэ, олонитын, илангая арадай аман зохёлоор, түүхэ намтараар һонирходог зоной анхаралда дурадхагдана.
Суглуулбариин автор - Буряадай Уран зохёолшодой холбооной гэшүүн, Монголой соёл, ирагуу найрагай Академиин хүндэтэ гэшүүн, Могойтын аймагай «Сэдьхэлэй уянга» бүлгэмэй ударидагша, Монголой «Улирал ба зохиолч» сэтгүүлэй Буряад ороноор тусхайта сурбалжалагша Цындыма Бабуева мүн.
Тус суглуулбари гурбан бүлэгһөө бүридэнэ, нэгэдэхи бүлэг соонь үльгэрнүүд, хоёрдохи бүлэг соо домогууд, гурбадахи бүлэг соо магтаалнууд ороһон байна.
Байгша оной декабриин 9-дэ Агын 1-дэхи дунда һургуулиин 9-дэхи ангиин һурагшад шэнэ хэблэлтэй, уран зохёолнуудай автортай танилсаха юм.